Ölkə başçısı 3 səfiri geri çağırdı, birini isə təyin etdi

Ölkə başçısı İlham Əliyev iki səfirin geri çağırılması və bir nəfərin səfir təyin edilməsi barədə sərəncam imzalayıb.

GoldNews.Az xəbər verir ki, Həsən Dilsuz oğlu Məmmədzadə Azərbaycan Respublikasının Litva Respublikasındakı fövqəladə və səlahiyyətli səfir, Abbasəli Həsənov Azərbaycanın Tacikistanda fövqəladə və səlahiyyətli səfiri, Kamil Tacid oğlu Xasiyevin isə Xorvatiya Respublikasındakı fövqəladə və səlahiyyətli səfir vəzifəsindən geri çağırılması barədə sərəncam imzalayıb.

Bu barədə prezidentin mətbuat xidməti məlumat yayıb.

Bundan başqa dövlət başçısının digər sərəncamı ilə Fəxrəddin İsa oğlu Qurbanov Azərbaycanın Xorvatiya Respublikasında fövqəladə və səlahiyyətli səfiri təyin edilib.