Narkomanı döyməsi ələ verdi – VİDEO

Qaradağ Rayon Polis İdarəsinin əməkdaşları Qabil Mövlanovu axtarışda olduğuna görə yox, boynundakı çətənə yarpağının döyməsinə görə saxlayıblar.

GoldNews.Az-ın APA TV-yə istinadla məlumatına görə, “Pod kayfom” sözü ilə əhatə olunan çətənə yarpağı əməliyyatçıların diqqətini çəkib.

Sahil qəsəbə sakini, əvvəllər məhkum olunmuş Qabil Mövlanovun üzərinə hal şahidlərinin iştirakı ilə baxış keçirilən zaman əynindəki şalvarın sağ yan cibindən 25 qram tiryək aşkar olunaraq götürülüb:

“Gedirdim yolla, parkın kənarından tapdım. Bir büküm idi. Əlimi atdım götürdüm, gördüm tiryəkdir. Özüm istifadə etdim bir müddət, Sahil qəsəbəsində polis əməkdaşları qarşıma çıxdı, üstümdən çıxdı”.

Özünü oğru aləmində görən, barmağındakı SS işarəsinin mənasından bixəbər olan Qabil Mövlanov barəsində məhkəmənin qərarı ilə həbs qətimkan tədbiri seçilib. İkinci dəfə məhkum olunduğuna görə cəzasının daha ağır olacağı istisna olunmur.