Mustafa Ceceli Şəmkirə toya neçəyə gəlib? - QİYMƏT
Yenicə ailə quran məşhur türk müğənnisi Mustafa Cecelinin Şəmkirin Şiştəpə kəndində baş tutan toy mərasimində iştirak etməsi Türkiyə mediasınında da diqqət mərkəzində olub.
GoldNews.az xəbər verir ki, Mustafa Ceceli azərbaycanlı iş adamının oğlu Natiq Musayevin toyuna 124 min TL, yəni 60 min 366 manat müqabilində gəlib.
Qeyd edək ki, bəyin əmisi Rusiyanın Sankt-Peterburq şəhərinin meyvə-tərəvəz bazarının 80 faizindən çoxunu, eləcə də, Azərbaycandan bu şəhərə meyvə-tərəvəz təchizatını nəzarətdə saxlayan “Akhmed Fruit Co” şirkətinin sahibi Aydın Paşa oğlu Musayevdir. “Akhmed Fruit Company” şirkəti 15 ildən çoxdur ki, fəaliyyət göstərir və nəinki Azərbaycandan, eləcə də Avropa ölkələrindən (sanksiyalardan qabaq), Afrikadan, Cənubi Amerikadan Rusiya bazarlarına meyvə-tərəvəz idxalı ilə məşğul olur.
Maraqlı məqamlardan biri də odur ki, Aydın Musayev ləğv edilmiş MTN-də formalaşmış Çovdarov-Mahmudov mütəşəkkil qruplaşmasının qubanlarındandır.
Bəyin atası Bayram Musayev isə Sankt-Peterburqda biznes fəaliyyəti ilə məşğuldur. Məlumata görə, Mustafa Cecelinin bu möhtəşəm büsatda iştirakı əminin qardaşoğluna toy hədiyyəsidir.
