Musiqi oxuyan döymələr yaradıldı - Videolar

Müasir dövrdə bədənin müxtəlif nahiyələrinə döymə etdirmək artıq dəb halını alıb.

GoldNews.Az xəbər verir ki, insanlar öz ürək sirlərini, həyat devizlərini, sevdiyi şəxslərin adlarını həkk etmək üçün döymədən istifadə edirlər. Yeni yaranmış texnologiya döymənin belə inkişafına təsir edib. İndi isə siz sevdiyiniz döyməyə baxmaqla kifayətlənməyəcək, artıq onların səsini də eşidəcəksiniz.

Müasir dövrdə döymə etdirənlərin sayı gündən-günə artır. Sadəcə siz təzə döyməni etdirərkən özünüz seçməlisiniz ki, döymədə hansı səsi eşitmək istəyirsiniz. Məsələn bu, sevdiyiniz mahnıdan bir parça, sizin üçün əziz olan insanın səsi, uşağınızın ilk səsi, hətta itinizin hürməyi də ola bilər.

Musiqili döymə əvvəlki tatulardan fərqli olaraq insanın bədənində çəkilərkən xüsusi texnologiyadan istifadə olunur ki, bu texnologiyadan da diqqətlə istifadə etmək lazımdır. Yeni texnologiya vasitəsilə döyməyə musiqi simvolları işlənir. Döymədəki musiqi səsinə qulaq asmaq üçün siz gərək telefonunuza da xüsusi proqram yükləyəsiniz. Telefonunuzda olan bu proqramı tatunuzun üzərində hərəkət etdirsəz, tatunuzda işlənmiş musiqinin səsini eçidəcəksiniz və siz eşitdiyiniz musiqidən həzz alacaqsınız.

Bu ideya kaliforniyalı döymə ustası Neytu Siqqarduya aiddir. O, bir dəfə musiqini dinləyib və söyləyib ki, yaxşı olardı ki, bu musiqini ömürlük yaddaşımıza həkk edək. Nəticədə o, musiqili döymə yaradıb və bu döymədə ilk dəfə onun həyat yoladaşının və körpəsinin səsi olub. Bunu da “Facebook” sosial şəbəkəsində yayıb.

Musiqili döymə bu ilin iyun ayından istifadəyə veriləcək. Amma indidən sifariş vermək mümkündür.