Müğənni Ruhi milyoner əri ilə barışması xəbərindən danışdı: "Lütfən, ona toz qondurmayın!"

Tanınmış müğənni, biznes-ledi və modelyer Ruhi Əliyeva ailəsi və şəxsi həyatı, həmçinin milyonçu əri İlham Rəhimov ilə barışması ilə bağlı yayılan məlumatlara münasibət bildirib.

GoldNews.Az xəbər verir ki, Ruhi həyat yoldaşı ilə münasibətləri barədə yayılan xəbərlər barədə bunları deyib:

"Xoş əhvalımdan sizə də pay vermək istəyirəm. Amma həm də bəzi fikirlərimi bölüşmək keçdi ürəyimdən. Birinci növbədə insan olmaq, sonra peşəyə bölünmək lazımdır. Mənim çox güclü, mərd, peşəkar jurnalist dostlarım var. Hansına ki, insan baxdıqca fəxr edir. Amma əfsus, bu sahədə şantajla çalışan, qərəzli, məqsədini özü belə anlamayan qeyri-peşəkar çoxdu. Sözüm də məhz onlaradır. Azərbaycan mətbuatı sizin qələminizdən çox yüksəkdə dayanıb. Lütfən, ona toz qondurmayın.

Buna da baxın: İlham Rəhimovla Ruhi barışdı və miras savaşı başladı - Şok təfərrüat

Ruhi həmçinin media əhlinə məsləhət görüb ki, insanlara hörmətli davransınlar: "Əqidənizi, dürüstlüyünüzü heç nəyə dəyişməyin. İnsanlara hörmət edin ki, hörmətli olasınız. Sonucda siz (bəziləri) mənim, mən isə öz həyatımla məşğulam. Siz də bir az öz həyatınıza nəzər yetirin ki, düşdüyünüz çuxurlar günü-gündən dərinləşməsin... Məni elədikləriniz qətiyyən narahat etmir, amma görürəm siz əməlli-başlı "əziyyət çəkirsiniz" mənə görə. Barı "əziyyəti" jurnalistə yaraşan savadlı tərzdə edin”.