Məşhur azərbaycanlı milyarderin yaxtasında roketdən müdafiə sistemi var - FOTOLAR

Dünyanın ən məşhur iş adamları sırasında olan "Northgas" şirkətinin prezidenti Fərhad Əhmədov Bodruma tətilə gəlib.

GoldNews.Az xəbər verir ki, iş adamı həyat yoldaşı Tatyana Əhmədova, 3 uşağı və yaxın dostları ilə 115 metrlik şəxsi yaxtasında dincəlir. Yunanıstanın Korfu, Mikonos, Tilos, Leros adalarını gəzdikdən sonra Türkiyəyə gələn Əhmədovun nəhəng yaxtasını görmək istəyənlər sahilə yanaşıb. Yaxtanın ətrafında mühafizəçilər 6 qayıqla təhlükəsizliyi qoruyub. İş adamı balıqçılardan təxminən 150 kiloqram kalamar, balıq və digər dəniz məhsulları alıb.

Fərhad Əhmədov sözügedən yaxtasını bu ilin əvvəlində Çelsi futbol klubunun prezidenti, rus milyarder Roman Abramoviçdən alıb. Yaxtanın üzgüçülük hovuzu, helikopter dayanacağı, mini dənizaltı, 6 sürət qayığı var. Yaxtanın şüşələri güllə keçirmir, hər növ roketatara qarşı müdafiə sistemi var. "Luna" adlı yaxta saatda 30 mil sürətlə hərəkət edir.