Milyarder haqqında şok iddia - "Rza Zərrab həbsxanada mənə təcavüz etdi"

2016-cı ilin martında Nyu-Yorkda həbs olunan iş adamı Rza Zərrab haqqında maraqlı bir iddia ortaya atılıb.

GoldNews.Az xəbər verir ki, Zərrabla 2016-cı ilin noyabrından 2017-ci ilin martına qədər Metropolitan həbsxanasında eyni hücrəni bölüşən məhkum bu dövrdə Zərrab tərəfindən təcavüzə uğradığını iddia edərək məhkəmədə iddia qaldırıb.

Təxminən 60 yaşlı, Afrika mənşəli olan şəxs Zarrabla bir dövr hüceyrə yoldaşı olduqlarını, milyarderin xüsusi vəkil tutması üçün ona pul təklif etdiyini deyib. Adı açıqlanmayan yaşlı adamın qaldırdığı iddiada Zərrabın həmin şəxsin Afrikadakı ailəsinə pul göndərdiyinə dair sənədlər də təqdim olunub.

Təcavüz iddiası ilə bağlı ifadə verən qoca "Çarəsiz idim və məndən daha gənc olan Rzaya qarşı çıxmadım. Bundan başqa, utanırdım və şikayət etməkdən də qorxdum" deyib.

İddia sahibinin vəkili Alexei Schacht bu hadisə baş verdikdə həbsxana rəsmilərinin istintaqa çağrıldığını, ancaq dəlil tapılmadığı üçün cinayət işinin bağlandığını söyləyib. Həbsxana rəsmiləri isə bu haqda açıqlama verməkdən çəkinib.

Zərrabın vəkili Robert J. Anello isə iddiaların tamamilə əsassız və çirkin bir iftira olduğunu deyib.