“London taxi” piyadanı vuraraq öldürdü

Bakıda avtomobil piyadanı vuraraq öldürüb.

Daxili İşlər Nazirliyindən GoldNews.az-a verilən məlumata görə, hadisə noyabrın 14-də saat 23 radələrində paytaxtın Nizami rayonunun Nəsimi küçəsində qeydə alınıb.

Belə ki, Bakı şəhər sakini İsrafil Qurbanov idarə etdiyi “London taxi” markalı avtomobillə yolu keçən paytaxt sakini Hidayət Məmmədovu vurub və nəticədə piyada hadisə yerində ölüb.

Nizami rayon Polis idarəsi tərəfindən araşdırma aparılır.