Leyla Əliyeva uşaqlarla rəqs etdi - FOTOLAR

Heydər Əliyev Fondu uşaqlar üçün növbəti şənlik təşkil edib.

GoldNews.Az Azərtac-a istinadən xəbər verir ki, 1 iyun – Uşaqların Beynəlxalq Müdafiəsi Gününə təsadüf edən şənlikdə Heydər Əliyev Fondunun vitse-prezidenti Leyla Əliyeva iştirak edib.

Bakıdakı 1 saylı uşaq evinin Xəzər rayonunun Şüvəlan qəsəbəsində yerləşən istirahət düşərgəsində keçirilən şənlik həm də bu uşaq evinin sakinlərinin yay düşərgəsinə köçməsi və mövsümün açılışı ilə əlamətdar olub.

Leyla Əliyeva uşaqlarla birgə rəqs edib, söhbət edib, onların bu şənliklə bağlı fikirləri ilə maraqlanıb, xatirə şəkli çəkdirib.