Killerlərin qorxusundan Telman İsmayılovun əmlakına yaxın duran yoxdur

İş adamı Telman İsmayılova məxsus "Ruslayn 2000" MMC-nin əmlakının 1,8 milyard rubla satışı üzrə təkrar hərrac baş tutmamış elan edilib.

GoldNews.az virtualaz.org-a istinadən xəbər verir ki, bu barədə hərrac sənədlərində deyilir.

Həmin materiallara əsasən, hərracda iştirak etmək üçün heç kim müraciət etməyib.

Eyni lot altında satışa ümumi sahəsi 20,942 min kv.m. olan çoxfunksiyalı kompleks çıxarılıb. Bundan əlavə, rəsm əsəri, avadanlıq vı hətta 6 metrlik şam ağacı da satılmalı idi. Bütün bu əmlaklar hazırda "BM-Bank"da girovdur.

İlk dəfə bu aktivlər hələ 2017-ci ilin dekabrında satışa çıxarılmışdı. Lakin o vaxt da hərracda iştirak üçün bir sifariş belə alınmamışdı.

Xatırladaq ki, 2015-ci ilin dekabrında Moskva vilayətinin arbitraj məhkəməsi Telman İsmayılovu müflis elan edib.

Ötən ilin payızından etibarən Telman İsmayılov həm də iki sifarişli qətlin təşkilatçısı olmaqda ittiham edilir. İstintaq materiallarına əsasən, iş adamı sahibkarlar Vladimir Savkinin və Yuri Brılyovun ölümündə təqsirli bilinir. Qətl planının Telman İsmayılovun qardaşları Rafiq və Vaqif İsmayılovlarla birgə hazırlandığı iddia edilir.