“Kedicik”lərin həbsi zamanı ən böyük şoku türk polisi keçirdi - Olayın şahidi danışdı

Türkiyə dörd gündür polsiin Adnan Oktar qruplaşmasına qarşı apardığı irimiqyaslı əməliyyatla çalxalanır. Goldnews.az s fera.az-a istinadən xəbər verir ki, hadisə ilə bağlı sosial şəbəkələrdə ən çox müzakirə olunan məsələlərdən biri də Adnan Oktarın "kedicik” adlı müridlərinin həbs zamanı çəkilən fotolarıdır. Polis tərəfindən saxlanılan qadınların ekranlarda olan görüntüləri ilə reallıqda olan halları arasında böyük fərq var. Məsələ ilə bağlı adının açıqlanmasını istəməyən mənbənin türk mətbuatına bildirdiyinə görə "kedicik”lərin saxlanılması zamanı ən böyük şoku polis əməkdaşları keçirib: "Polislər evə girəndə böyük şok keçirdilər. Siyahıda adı olan qadının gördükləri fotosu ilə real halları arasında fərq böyük şok yaradıb. Polislərdən bəziləri rəislərinə "Rəis, heç olmasa, bu qadınların makiyaj ləvazimatlarını verək”, deyib”. Qeyd edək ki, istintaq çərçivəsində Adnan Oktar qruplaşmasının 235 üzvü haqda saxlanılma qərarı var. Şübhəli şəxslərdən 193 nəfəri artıq polis tərəfindən saxlanılıb. Adnan Oktar və dəstəsinə qarşı 31 ittiham irəli sürülüb. İttihamlar arasında "siyasi və hərbi casusluq” da var.