İtkin düşmüş cütlüyün meyiti 75 ildən sonra tapıldı

İki sevgilinin meyiti buz təbəqələrinin altında tapılıb.

GoldNews.Az xəbər verir ki, İsveçrədəki Alp dağlarının Tsanfleuron buzlağında bir kanat əməkdaşı yan yana duran donmuş cəsədləri 2 min 600 metr yüksəklikdə təsadüfən görüb.

“Glacier 3000 xizək” kompleksinin rəhbəri Bern Tschannen söyləyib ki, dostlarımızdan biri gördüyü kütləni bir daş yığını hesab edib. Bir az da yaxınlaşanda kürək çantası, bəzi qablar və su şüşəsi də görüldü. Daha sonra isə bir ikiliyə rast gəldi.

DNT testi keçiriləcək

Cəsədlərin üzərindəki paltarlar II Dünya Müharibəsi illərinə işarə edir.

Yerli media yeddi uşaq sahibi Marcel və Francine Dumoulin ikilisinin 1942-ci ildə birdən yoxa çıxdığını bildirib. Bir buzlaq yarığına yuvarlanan cütlüyün on illərlə buz təbəqələrinin altında qalıb donmuş halda cəsədlərinin ortalığa çıxdığı təxmin edilir.

Hazırda cütlüyün ən gənc,79 yaşlı qızının yeganə istəyi ana-atasının meyitlərinin layiq olduqları şəkildə torpağa verilməsidir. Göz yaşlarına boğulan Marceline Udry-Dumoulin bütün həyatlarını ana-atasını axtarmaq üçün keçirdiklərini deyib.

Polis qeydlərinə görə cütlüyün olduğu məlumatı 15 avqust 1942-ci ildə qeydiyyatdan keçmiş, regionda 1925-ci ildən etibarən 280 nəfərlə bağlı itki xəbəri var. Nəticədə hər şeyi DNT testi sübut edəcək.