İstirahət mərkəzindəki dəhşətli hadisənin TƏFƏRRÜATLARI - "Dostlarını suda ölü vəziyyətdə gördü və..."

Ötən gün İsmayıllıda yerləşən istirahət mərkəzlərindən birində hovuza birləşirilən elektrik xəttinin suya keçməsi nəticəsində ölənlər və yaralananalar olub.

GoldNews.Az xəbər verir ki, istirahət etmək üçün Bakı və Zaqataladan İsmayıllıya gələn 4 nəfər turisti elektrik cərəyanı vurub. Hadisə nəticəsində Bakı şəhərinin Binəqədi rayon sakini, 1984-cü il təvəllüdlü Adıgözəlov Emin Zakir oğlu, Abşeron rayonu Xırdalan qəsəbə sakini, 1979-cu il təvəllüdlü Quliyev Gülhüseyn Xaliqverdi oğlu dünyasını dəyişib. Zaqatala rayon sakini 1981-ci il təvəllüdlü Ömərov Eltəkin Məhəddin oğlu və Bakı şəhəri Nizami rayon sakini, 1986-cı il təvəllüdlü Əliyev Zakir Mahir oğlu təcili yardım avtomobili ilə İsmayıllı Mərkəzi rayon Xəstəxanasına yerləşdirilib.

Xəstəxanaya yerləşdirilənlərdən biri Eltəkin Ömərovun yaxınlarının GoldNews.Az-a verdikləri məlumata görə, onun atası 3 ay bundan öncə vəfat edib. Bildirilir ki, Eltəkin ölən yoldaşlarını suyun üstündə görüb, onları xilas etmək üçün hovuza girib və cərəyanın təsirindən suyun dibinə çöküb. Dostlarından digəri də onu ardınca özünü suya atıb. Hazırda ikisinin də vəziyyəti qənaətbəxşdir.