İnsanlar haqqında bilib, əslində bilmədiklərimiz - ARAŞDIRMA

Texnologiya inkişaf etdikcə ruhi sağlığımızın gerilədiyini göstərən bir neçə fakt üzə çıxıb.

GoldNews.Az xəbər verir ki, araşdırmaya görə, bununla əlaqədar insanlarda bir çox psixoloji problemlər yaranır. Bundan başqa hadisələrin insan psixologiyasında göstərdiyi təsirlər çox rəngarəngdir.

İlk olaraq qeyd edək ki, beyin sıxıcı və maraqsız söhbətləri olduğu kimi yaddaşa yazmır, bu söhbəti daha da qarışdıraraq maraqlı hala gətirir.

Aparılan araşdırmalar göstərir ki, sosial şəbəkələrdə daha çox selfi fotolarını paylaşanlar əsasən psixopat və narsist ruhlulardır.

Dinlədiyiniz musiqi tərzi dünyanı dərketmə şəklinizi əks etdirir.

Araşdırmalara görə, təcrübə qazanmaq üçün pul xərcləmək insanı daha çox xoşbəxt edir.

Televizorun və populyar mədəniyyətlərin həyatımıza girməsi ilə yaranan digər ruhi problem isə “Truman sindromu”dur. Bu sindromu yaşayanlar həyatlarının hər anında qeyri-ixtiyarı olaraq gizlicə videoya çəkildiklərini düşünürlər.

Bir musiqinin ən sevdiyiniz musiqi olması onun həyatınızın hər hansı bir təsirli anına təsadüf etməsindən asılıdır.

Araşdırmalar cahil insanların özlərini çox ağıllı hesab etmələrini, savadlı insanların isə öz qabiliyyətlərini gözardı etdiklərini göstərir.

Xüsusilə yaponların tutulduqları “Paris sindromu” Parisə gəlməzdən öncə şəhərlə bağlı bütün düşüncələrinin şəhərin iç üzünü gördükdən sonra dəyişməsi ilə yaranan depressiya halıdır.

Qüds sindromu olaraq tarixə düşən bir başqa psixoloji pozğunluq isə bu şəhəri ziyarət edən turistlərin bəzilərinin buradakı atmosferə düşərək özlərinin böyük bir dini lider olduqlarına inanmalarıdır. Hətta daha da betəri özərini həzrəti İsa, həzrəti Musa hesab edərək Qırmızı dənizi yarmağa çalışanlar belə olub.

Bir şəxslə 20 dəqiqədən çox qucaqlaşmış halda qaldıqda beyində ifraz olunan oksitozin maddəsi o şəxsin sizə güvənini təmin edir.

İnsanlar yorğun olanda daha dürüst olduqlarından gecə yarısı aparılan söhbətlər daha səmimi olur.

Dünyanın hansı nöqtəsində yaşamalarından asılı olmayaraq, bütün insanlar bu 6 hissi keçirdikdə eyni üz ifadəsinə sahib olurlar: xoşbəxt, üzüntü, əsəb, qorxu, təəccüb, iyrənmə.

İmtina edilmək beyin tərəfindən qəbul edilən fiziki acıya səbəb olur.

Son olaraq, hədəflərinizi hər zaman gizli saxlayın. Çünki aparılan araşdırmalara görə, hədəflərinizi başqalarına elan etdiyiniz zaman onların reallaşma ehtimalı azalır.