İnsan öldükdən sonra nə baş verir? - AÇIQLAMA

Hər kəsi maraqlandıran məsələlərdən biri də "görəsən insanlar öləndə nə hiss edirlər, bəs öldükdən sonra nə baş verir?"dir. 200 insan üzərində aparılan araşdırma nəticəsində bu sualların cavabları ilə bağlı maraqlı faktlar üzə çıxıb.

GoldNews.Az-ın məlumatına görə, İngiltərədəki Southampton Universitetinin həyata keçirdiyi tədqiqat nəticəsində məlum olub ki, insanlar öldükdən sonra onların zehinləri 3 dəqiqə açıq olur.

Ölümlə hər bir canlı sonunda qarşılaşacaq. Bu günə qədər heç kim ölümün necə bir şey olduğunu aydınlaşdıra bilməyib və insanlar ölümdən çox qorxur. Əvvəl aparılan araşdırma nəticəsində məlum olub ki, beynin, ürəyin dayanmasından 30 saniyə sonra bədən bütün funksiyaları işləkliyini itirir.

Lakin ingilis tədqiqatçıların fikrincə, bu proses 30 saniyə deyil, 3 dəqiqə davam edir. Düzdür, qan dövranı dayanır və insan ölür, amma onun beyin funksiyaları daha 3 dəqiqə işlək vəziyyətdə olur.

Həkim Sam Parnia 200 nəfər üzərində bu tədqiqatı gerçəklərşdirib. O, qəlbi durandan sonra yenidən həyata qayıdan insanları nümunə kimi götürüb.

Həkim qeyd edib ki, əməliyyat zamanı bu insanlardan təxminən 40 faizinin zehni açıq olub. Müalicə zamanı bəziləri yaddaşını qısa müddət ərzində itirir. Bəziləri isə çox qorxur.