İngiltərə şahzadəsi topa tutuldu - 135 min manatlıq geyim aldı

Eyni geyimi bir neçə dəfə geyinən İngiltərə şahzadəsi Keyt Mideltonun adı "qənaətcil şahzadə" kimi çıxıb.

GoldNews.Az xəbər verir ki, yaşlılara xas geyim tərzi ilə daim tənqid olunan Keyt bu dəfə qarderobunu dəyişmək qərarına gəlib. 35 yaşlı, 2 uşaq anası ilin ilk 3 ayında geyimləri üçün 57 min funt sterlinq pul xərcləyib. İlin geri qalanında da tədbirlərə qatılacağını nəzarə alsaq, görərik ki, bu il şahzadənin ən bahalı ili olacaq. Buna görə Keytin üzərinə tənqid "yağışı" da yağıb.

Bəziləri " Bizim vergilərimizlə geyinir", -deyə şərhlər yazıblar. Bu məqamda isə heyranları şahzadənin köməyinə çatıb: "Bir geyimi bir neçə dəfə geyinəndə onu xəsislikdə günahlandırırsınız. Geyimlərə pul xərcləyəndə də onu bədxərc adlandırırsınız", -deyə qeydlər ediblər.

Xatırladaq ki, Midelton 2016-cı ildə bütövlükdə geyimlərinə 174 min funt sterlinq pul xərcləyib. Onun 2015-ci ildə isə cəmi 43 min sterlinq xərci çıxıb.