İkinci Dünya müharibəsində iştirak edən veteranlara 600 dollar veriləcək

Azərbaycanda Qələbə gününün 72 illik münasibəti ilə müharibədə iştirak edənlərə və yaralananlara vətəni qoruduqlarına görə mükafat veriləcək.

GoldNews.Az xəbər verir ki, 24 apreldə Azərbaycan Respublikasının Prezidenti İlham Əliyev bununla bağlı sərəncam imzalayıb.

Sərəncama görə, ikinci dünya müharibəsində iştirak edən hər bir şəxsə min manat veriləcək.

Müharibədə və yaxud müharibədən sonra medalla təltif olunmuş şəxslər, arxa cəbhədə fəaliyyət göstərənlər, Leninqradın mühasirəsində iştirak edənlərə isə 500 manat veriləcək.

Bütün bu məbləğlər Heydər Əliyev Fondu tərəfindən təmin olunacaq.

Bu gün Azərbaycanda ikinci dünya müharibəsində iştirak edən 1.2 min nəfər yaşayır.

700 min vətəndaşımız müharibədə iştirak edib və yarısı geri qayıtmayıb.