İctimai nəqliyyatda gedişhaqqı bu kartla ödənəcək - MÖHTƏŞƏM YENİLİK

Əməkhaqqı kartlarını ictimai nəqliyyatda gediş haqqının ödənişi üçün istifadə etmək mümkün olacaq.

GoldNews.Az xəbər verir ki, bunu Trend-ə Bakı Nəqliyyat Agentliyinin İctimaiyyətlə əlaqələr şöbəsinin müdiri Mais Ağayev deyib.

Onun sözlərinə görə, bu yenilik nəqliyyat sisteminin texniki və texnoloji inkişafının vacib istiqamətlərindəndir.

M.Ağayev qeyd edib ki, bu layihənin icra müddəti barədə danışmaq hələ tezdir.

Şöbə müdiri bu sahədə başqa yeniliklərin də olduğunu deyib. “BakıKart”ın onlayn yüklənməsi də yeniliklər arasındadır.