Gənc canlı yayında atasının zavodunu yandırdı - FOTOLAR

Atasının zavodunu yandıran gənc hər şeyi ona anbaan izlədib.

GoldNews.Az xəbər verir ki, hadisə dünən gecə radələrində Hacıeyüplü məhəlləsindəki zavodlardan birində baş verib. Atası ilə arasında problemləri olan və narkotik maddə aludəçisi 24 yaşlı Tolqa E. əlində tüfənglə zavoda gəlib. Gözətçi gəncə mane olmağa çalışsa da, Tolqa tüfənglə havaya atəş açıb və gözətçini ordan uzaqlaşdırıb.

Daha sonra isə zavoda daxil olan Tolqa mobil telefonu ilə atasına görüntülü zəng edib, zavodu yandıracağını söyləyib. Atası oğlunu bunu etməməsi üçün razı salmağa çalışıb.

Ancaq Tolqa E. benzin tökərək zavodu yandırıb. Atası dərhal hadisə barədə polisə xəbər verib. Təxminən 3 saat davam edən yanğın digər zavodlara zərər vermədən söndürülüb.

Atasının zavodunu yandıran Tolqa E. həbs olunub.

İstintaq davam edir.