Gələn həftədən seçki prosesinə start verilir - Qanun nə deyir?

Xəbər verdiyimiz kimi, bu gün prezident İlham Əliyevin sərəncamına uyğun olaraq aprelin 11-də növbədənkənar prezident seçkiləri keçiriləcək. Seçkilərlə əlaqədar Mərkəzi Seçki Komissiyası təqvim planını hazırlayıb ictimaiyyətə təqdim etməlidir.

Bu məqamda “Qafqazinfo” Seçki Məcəlləsinə müvafiq maddələrinə əsaslanaraq bəzi məqamları diqqətə çatdırır:

Prezidentliyə namizədlərin irəli sürülməsi- Seçkilərin elan edilməsi haqqında qərar rəsmi dərc olunduqdan sonra (Maddələr : 3, 53, 54, 180)

Namizədliyin irəli sürülməsinin təsdiq olunub olunmaması barədə əsaslandırılmış qərarın qəbul edilməsi- Sənədlərin komissiyaya təqdim edilməsindən sonra 5 gün müddətində (M a d d ə l ə r : 53.6, 54.9)

Azərbaycan Respublikasının Prezidentliyinə namizədin müdafiəsi üçün seçici imzalarının toplanması- Mərkəzi Seçki Komissiyasının prezidentliyə namizədliyin irəli sürülməsini təsdiq edən qərarından sonra (M a d d ə l ə r : 56 , 57, 181)

İmza vərəqələrində və təqdim edilən digər sənədlərdə olan məlumatların düzgünlüyü- nün yoxlanılması və namizədin qeydə alınıb alınmaması haqqında qərarın qəbul edilməsi- Sənədlər qəbul edildikdən sonra 7 gün müddətində (M a d d ə l ə r : 60, 182.1)

Azərbaycan Respublikasının Prezidenti seçkilərinin keçirilməsi gününün elan edilməsi haqqında Azərbaycan Respublikası Mərkəzi Seçki Komissiyasının Qərarının qəbul edilməsi- Səsvermə gününə azı 60 gün qalmış (178.3-cü maddəsinin tələbi nəzərə alınmaqla) (M a d d ə l ə r: 8.1, 178.1, 178.2)

Nаmizədin qeydə alınması üçün zəruri olan seçki sənədlərinin təqdim edilməsi- Səsvermə gününə ən çoxu 50 və ən аzı 30 gün qalmış saat 18.00-dək (M a d d ə l ə r : 58.1 , 94.3.1)

Qeydə alınmış namizədlərin siyahısının dərc edilməsi- Səsvermə gününə azı 20 gün qalmış (M a d d ə : 182.3)

Seçkiqabağı təşviqatın aparılması- Səsvermə gününə 23 gün qalmış başlanır və səsvermənin başlanmasına 24 saat qalmış dayandırılır. (M a d d ə : 75)

Seçkilər günü səsvermənin yeri və vaxtı barədə KİV və ya məlumat lövhələri vasitəsilə seçici-lərin xəbərdar edilməsi- Səsvermə gününə azı 25 gün qalmış (M a d d ə: 104.1)

Məntəqə və dairə seçki komissiyalarının protokollarında olan məlumatların Mərkəzi Seçki Komissiyasının rəsmi nəşrində tam şəkildə dərc edilməsi- Seçki günündən sonra 6 ay müddətində (M a d d ə: 109.5)

“Exit-poll” keçirmək niyyətində olan təşkilatların akkreditasiya üçün təqdim etdikləri sənədlərin qəbul edilməsi- Mərkəzi Seçki Komissiyasının müvafiq Təlimatına əsasən səsvermə gününə ən azı 20 gün qalmış.