Gecələr çılpaq yatmağın faydaları

Sağlam bir yuxu üçün yatdığınız yerin normal temperaturda olması, yuxuya getmək üçün də bədən istiliyinin aşağı düşməsi lazımdır.

GoldNews.Az xəbər verir ki, araşdırmalar zamanı aydın olub ki, çılpaq yatmağın insan həyatı üçün bir çox faydaları var.

Amerikalıların sadəcə 8 %-i soyunaraq yatır, Avropada bu göstərici daha yüksəkdir. Məsələn, İngiltərədə əhalinin 2/3 hissəsi belə yatır. Öləmizə isə bununla bağlı bir statistik göstərici yoxdur.

Avstraliyada aparılan bir tədqiqata görə, sağlam şəkildə yatmaq üçün insan bədəninin istiliyinin aşağı düşməsi çox önəmlidir. Qalın gecə geyimləri və corablar bədənin yuxudan öncə özünü soyutmasının qarşısını alır. Yəni çılpaq yatmaq insomnia (yata bilməmək) xəstəliyinin çarəsi ola bilər.

Holandiyada aparılan bir araşdırma zamanı alimlər bir neçə nəfərə bədən temperaturunu aşağı salan gecə geyimi geyindiriblər. Onların daha dərin bir yuxuya getdikləri və bu yuxuda daha uzun müddət qaldıqları görülüb.

Amerikada aparılan bir araşdırmada soyuq bir otaqda yatan kişilərin daha çox kalori yandırdığı və insülin həssaslığının daha irəliləmiş olduğu görülüb. Gecələr bədəni təbii vasitələrlə soyutmaq kortizol hormonunu da aşağı salır. Bu da iştahı daha sağlam qidalara doğru yönləndirir.

Yatarkən, xüsusilə ayaq, qoltuq altı və aşağı ətrafların havalandırılması ayaq göbələyi və digər infeksiaların qarşısını alır.

Yuxu böyümə və melotonin hormonlarının yaranmasında çox önəmlidir. Bunlar yaşlılığı gecikdirən hormonlardır. Deməli, çılpaq yatmaq yaşlanmağı da gecikdirir.