Frank Riberi Karlo Ancelottini biabır etdi: "O çox yaxşı öpüşür"

Bayern Münhen forması geyən məşhur futbolçu Frank Riberi 34-cü doğum günündə komandasının baş məşqçisi Karlo Ancelottinin ona öpüş hədiyyə etməsini məzəli şəkildə şərh edib.

GoldNews.Az xəbər verir ki, Dordmundla oynanılan matçdan tez çıxarıldığı üçün Frank baş məşqçisinə çox əsəbləşib. Bu zaman Ancelotti onu öpərək sakitləşdirməyə çalışıb. Buna görə, Frank Ancelottiyə təşəkkür edib:

"Çox yaxşı münasibətimiz, bir-birimizə inamımız var. O öpüş son dərəcə təbii və duyğu dolu olub. Onsuz da onun öpüşməkdən yaxşı başı çıxır. Ona görə heç təəccüblənmədim".

Matçın ardınca danışan Arien Roben bildirib ki, yaşanan hadisəni qısqanıb: "Düzü onları biraz qısqandım. Ümid edirəm ki, Ancelotti bir gün məni də belə öpər".