Fars işgəncələri: qan donduran 10 cəza - FOTO

Çinin orta əsrlərdə tətbiq etdiyi işgəncə üsulları hazırda da dünyada ən ağır işgəncələrdən sayılır. Təsadüfi deyil ki, çətinə düşən biri öz vəziyyətini təsvir etmək üçün "Çin işgəncəsi" ifadəsindən istifadə edir. Orta əsrlərdə bütün dünya ölkələrində cinayətkarlara qarşı müxtəlif işgəncə üsulları tətbiq edilib. Bura fars işgəncələri də daxildir. Farsların günahın böyük və ya kiçik olmağından asılı olmayaraq tətbiq etdikləri işgəncələr daha çox digərlərinə ibrət dərsi vermək məqsədi daşıyıb. Onlar cəza sistemində siniflərarası fərq olmamasına çalışsalar da, bəzən buna nail ola bilməyiblər.

GoldNews.Az qaynarinfo-ya istinadən farsların cinayətkarlara verdiyi ən tükürpədici 10 işgəncə növünü təqdim edir:

1. Cinayətkarın dərisindən stul üzlüyü hazırlamaq

Əslində bu cəza cinayətkara deyil, ondan sonra gələnlərə verilən cəzadır. Sisamnes adlı bir hakim rüşvət alarkən tutulur və Əhəməni imperatoru I Dara rüşvət almağı düşünən digər hakimlərə də dərs olsun deyə Sisamnesi edam etdirdikdən sonra dərisindən stul üçün üzlük hazırlanmasını əmr edir. Hazırlanan döşəkçə ondan sonra vəzifəyə gətirilən hakimin kreslosuna tikilir. Əsl tragediya isə Sisamnesin yerinə vəzifəyə oğlunun gəlməsi olur.

2. Kül hovuzunda boğmaq

Farslarda vətənə qaşı xəyanət və tanrıları təhqir etmə kimi böyük günahların cəzası küllə boğulma idi. Bu işgəncə 25 metr hündürlüyündə və yarısı kül ilə dolu olan qalada gerçəkləşdirilirdi. Cəlladlar qalanın çölündə olan çarxları çevirdikləri zaman küllər hərəkət edir və cinayətkarı yavaş-yavaş içinə doğru çəkirdi. Və beləliklə cinayətkar qalanın dibinə çatdığında nəfəs ala bilmədiyindən boğularaq ölürdü.

3. Boğaza ərimiş qızıl tökmək

Roma imperatoru Valerian farslara əsir düşdüyü zaman öldürülmür. Əhəməni imperatoru I Şapur köləyə çevirdiyi Valeriandan ata mindiyi zaman qalxmaq üçün istifadə edir, dörd ayaq üstündə getməyə məcbur edərək təhqir edir, onunla iti kimi davranırdı. Valerian bu vəziyyətdən qurtulmaq üçün I Şapura böyük məbləğdə sərvət təklif edir, lakin onun bu təklifi fars imperatorunu özündən çıxarır və Şapur köləsinin boğazına ərimiş qızıl tökdürərək dərisinə saman doldurtdurur. Daha sonra o, farsların dini iqamətgahında uzun müddət nümayiş etdirilir.

4. Ağaclardan istifadə etməklə cinayətkarı ayırmaq

Bu cəza yol kəsən quldurlara və oğrulara tətbiq edilirdi. Belə ki, iki böyük ağacın ucları əyilərək mümkün qədər bir-birinə yaxınlaşdırılır və iplə birləşdirilirdi. Cinayətkarın bir ayağı bir ağacın ucuna, digəri isə o biri ağacın ucuna bağlanılırdı. Hər şey hazır olduqdan sonra ağaclar buraxılır və bir-birindən sürətlə aralanan ağaclar cinayətkarı iki hissəyə ayırırdı.

5. Qaya parçaları ilə baş əzmək

Kral Artakserksin anası və arvadı bir-birlərindən o qədər nifrət edirlər ki, birisi o birini öldürməyə çalışır. Ən sonda kralın anası buna nail olur və kraliçanı öldürür. Sui-qəsddə iştirak edən xidmətçilər isə kralın əmri ilə başları daşla əzilərək öldürülür.

6. Parçalanmış üsyançıları qapılara zəncirləmək

Hakimiyyətə qarşı olan çevrilişi yatıran I Dara üsyanın lideri qarışıq bütün iştirakçıların burun, qulaq və digər əzalarını kəsdirir, gözlərini çıxartdırır. Bunu digərlərinə də ibrət göstərmək üçün həmin cəsədləri qala qapısına zəncirləyir. Əzab çəkən üsyançılar həftələrlə asılı vəziyyətdə qalır, ordan keçənlər onları təhqir, daşqalaq edir və ən sonda gücləri tamamilə tükənəndə ölmələrinə icazə verilirdi.

7. Xalq tərəfindən edam

Əhəmənilər dğvründə Zərdüşt rahiblərindən olan Smerdis adlı bir nəfər iqtidarı ələ keçirmək üçün özünü imperator Sirusun oğlu kimi təqdim edir. Əslində hakimiyyətə gəldikdən sonra vergiləri yüngülləşdirməsi və ölkəni ədalətli şəkildə idarə etdiyi üçün hər kəs tərəfindən sevilir, lakin gerçəyi öyrənən xalq onu bağışlamır. Əvvəlcə Smerdisi, daha sonra isə qalanın içərisində tapdıqları bütün Magiləri (rahiblər) öldürürlər.

8. Cinayətkarı canlı-canlı həşəratlara yedirtmək

Bu cəza imperatorun həqiqətən nifrət etdiyi şəxslərə verilirdi. Edam edilən şəxsin bədəninə bolluca bal sürtülür, ardınca süd tökülür və sadəcə qolları, ayaqları və başı açıqda qalmaq şərtilə qayığa mindirilərək həşəratların və sürünənlərin çox olduğu bataqlığa buraxılırdı. Cinayətkar həşəratlar tərəfindən yeyilərkən acından ölməməsi üçün arabir bal və süd verilirdi. Bu işgəncənin ölümlə nəticələnənə qədər 20 gündən çox davam etdiyi qeyd olunur.

9. İnsanlara öz uşaqlarını yedirtmək

Midiya hökmdarı Astiaq yuxusunda nəvəsinin böyüyəndən sonra taxtını ələ keçirəcəyini görür. Bu səbəbdən Harpaqus adlı generallarından birini çağıraraq uşağı aparıb öldürməsini əmr edir. Harpaqus uşağı öldürə bilmədiyi üçün bir çobana verir və hökmdara əmri yerinə yetirdiyini bildirir. Hadisədən 10 il sonra hökmdar məsələnin əslini öyrənir və Harpaqusun oğlunu öldürtdürüb ondan yemək hazırlatdıraraq bu lənətli yeməyi generalına yedizdirir. Harpaqus məsələni öyrənəndə, "Hökmdarım hər şeyin yaxşısını bilər" deyib yeməyin qalanını almaq üçün icazə istəyir. İcazə veriləndən sonra general oğlunun digər parçalarını alıb basdırır.

10. 3 dəfəlik ölüm

Farslar bəzi cinayətkarların bir dəfəyə ölməsi ilə barışa bilmirdi. Məsələn, bir qala xidmətçisi imperator Sirusun arvadını əsəbiləşdirəndə əvvəlcə gözləri çıxarılırdı. Daha sonra müalicə olunur və yaraları sağaldılırdı. Tam sağalandan sonra dərisi soyulur və yenidən müalicə alırdı. Yenə sağaldıqdan sonra isə çarmıxa çəkilir və bu şəkildə ölməsinə icazə verilirdi.