"Facebook" və "Twitter"də saxta hesabları olanların nəzərinə - Bu üsulla profilləriniz müəyyənləşdiriləcək
Negev Ben-Qurion və Vaşinqton universitetinin tədqiqatçılarının ortaq iş prosesinin nəticəsində "Facebook" və "Twitter" kimi platformalarda saxta hesabları təyin etmənin üsulu tapılıb.
GoldNews.Az xəbər verir ki, yeni yaradılan alqoritmə görə, 2 istifadəçi arasındakı bağlantılar və ortaq olaraq təqdim edilə bilən maraq sahələri təsbit edilir. Xülasə, iki şəxs arasındakı bağlantının nə ola biləcəyi sistem tərəfindən təxmin edilir, əgər ortaya çıxan nəticələr yetərsiz olarsa, digər bağlantılı şəxslərlə müqayisə aparılır və qarşılaşdırılıb hesaba bağlı bir yekun nəticə əldə olunur.
Test mərhələsində olan alqoritmlərin hələlik uğurlu nəticələr verdiyi bildirilib. Mütəxəsislər bu mövzuda olan həssaslıqlarını "İstifadəçilərin adlarının gizliliyini qorumaq adına baş verən uğursuzluqlar, insanlara təqdim edilən və narahatlıq doğuran saxta xəbərlər və Rusiyanın seçkilərə təsir etmək üçün sosial medianı hədəf alması kimi mövzular son günlərdə saxta istifadəçilərin kökünü qazıb çıxartmaq üçün olduqca önəmli bir səbəbdir" deyə əsaslandırıblar.
