Facebook bütün istifadəçilərindən üzr istədi - Günlərdir ki, danışılır

Facebook-un qurucusu və CEO-su Mark Zükenberq yaşanan təhlükəsizlik qalmaqalına görə ingilis qəzetlərində üzr mesajı yayımlayıb.

GoldNews.Az xəbər verir ki, yayımlanan üzrdə "Universitetdə bir araşdırmaçının hazırladığı və 2014-cü ildə milyonlarla insanın Facebook məlumatlarının çalınmasına səbəb olan test tətbiqini eşitmisiniz. Bu bir təhlükəsizlik laqeydliyi idi və bununla bağlı daha çox şey edə bilmədiyimiz üçün üzgünəm. Belə bir hadisənin bir daha yaşanmaması üçün tədbirlər görürük. Bu tətbiq kimi istifadəçilərdən həddindən artıq çox məlumat tələb edən tətbiqləri dayandırdıq və onlardan məlumat istəyən proqramlara da sərhəd qoyduq" ifadələrinə yer verilib.

Zükenberqin üzrxahlığı Mail on Sunday, Sunday Times, Sunday Telegraph, Sunday Mirror, Sunday Express ve Observer qəzetlərində yayımlanıb.

Ötən günlərdə Amerika prezidenti Donald Tramp ilə işbirliyi edən ingilis şirkəti Cambridge Analtricanın kampaniyası zamanı 50 milyon Facebook istifadəçisinin məlumatlarının qanunsuz olaraq aldığı ortaya çıxıb. Bu vəziyyətin ortaya çıxmasından sonra internet istifadəçiləri arasında "Facebook-u sil" adlı kampaniya başladılıb. Yaşanan hadisədən sonra yüz minlərlə insan facebook hesablarını silib və şirkət böyük miqdarda zərər edib.