Əsəd növbəti dəfə qətliam törətdi - 37 insan yanaraq can verdi

Suriyada dünən ilk dəfə silahlı müxaliflərin təxliyyə edildiyi atəşkəs bölgəsi Şərqi Qutadan bu gün bir qətliam xəbəri gəlib.

GoldNews.Az xəbər verir ki, dünya mediasında yayımlanan xəbərlərə görə, illərdir ki, mühasirə altında olan bölgədə Bəşər Əsəd qüvvələri bir düşərgəni bombalayıblar. Qətliamda 37 sivil insanın can verdiyi bildirilib.

Qeyd edək ki, cari rejimin və Rusiyanın mütəmadi hücumlar təşkil etdiyi bölgədə son həftələrdə yüzlərlə insan öldürülüb. Təxminən 400 min insanın sıxışıb qaldığı Şərqi Qutada bir aydan artıq bir müddətdir ki, təxliyyələr edilir.

Bölgədəki ən təsirli silahlı qruplaşmalardan Əhrar eş Şam dünən Şam rejimi ilə Harasta qəsəbəsinin boşaldılması üçün razılığa gəldiyini açıqlayıb. Razılığa görə, qəsəbələrdən getmək istəyənlər üçün bu səhər yerli vaxtla 08.00-dan etibarən təxliyyələr başlayacaq. Oradan çıxanlar müxaliflərin idarəçiliyi altında olan ən böyük vilayət İblidə göndəriləcəklər.