Ermənistanın yeni müharibə qorxusu: "Maliyyə tənəzzülü 11 faiz deyil..."
Ermənistanın 2016-cı il maliyyə hesabatı açıqlanıb.
GoldNews.Az xəbər verir ki, erməni “Çıxış” blokunun liderlərindən biri, deputat Nikol Paşinyanı ötən gün Milli Məclisdə maliyyə naziri Vardan Aramyanın təqdim etdiyi 2016-cı ilin büdcəsi haqqındakı hesabat təəccübləndirib.
Paşinyan bildirib ki, Avrasiya İqtisadi Birliyi və Avropa İttifaqına üzv olan dövlətlər haqqında məlumat hesabatda əks olunub, lakin Aprel müharibəsi haqqında heç bir qeyd olmayıb.
O, "Müharibənin nəticələri Ermənistanın iqtisadi mühitinə necə təsir edib? İqtisadiyyatımız potensial və qaçılmaz müharibənin yükünü nə dərəcədə daşımağa hazırdır? Müharibə iqtisadiyyata necə təsir edə bilər?" suallarının cavabları və Aprel döyüşlərindən sonra sərf olunan böyük maliyyə xərclərinin heç birinin hesabatda əks olunmadığını söyləyib.
Paşinyan etiraf edib ki, müharibə dövründə onlarda bir millət kimi güvən ən ciddi böhran yaşayır.
Vardan Aramyan bu qiymətlərin yanlış olduğunu, əksinə, aprel döyüşlərində maliyyə tənəzzülünün 11 faiz deyil, 15-20 faiz olduğunu qeyd edib.
"Son dövrlərdə Rusiyada rubl azalması baş verib və soydaşlarımızın gəlirləri Rusiya rubluna görə müəyyən olunub. Buna görə də onların daxil olan gəlirlərinin az və yaxud çox olduğunu söyləmək çətindir".
