Ermənilər Qarabağda istifadə üçün lazer silah hazırladı - Atəş açmamış snayperin də yerini müəyyən edir

Ermənistanda hərbi sistemdə istifadə ediləcək yeni lazer qurğu hazırlanıb.

GoldNews.Az xəbər verir ki, lazer qurğu hərbi təyinatlı optik vasitələrin qarşısının alınması və aşkar edilməsi üçün istifadə ediləcək.

Bu barədə silahlı qüvvələrin Baş Qərargahının nümayəndəsi, polkovnik-leytenant Aram Sаyadyan bildirib. Baş Qərargah nümayəndəsi yeni silahla bağlı bunları deyib: "Bu qurğu optik cihazın qaytardığı işığı tutmaqla, güclü lazer şüası ilə həmin optikanı sıradan çıxara bilər. Qurğu eyni zamanda hələ atəş açmamış snayperin yerini də müəyyən etməyə imkan verir".

Aram Sаyadyanın sözlərinə görə, lazer qurğu optik nişangahların, durbin, optik və elektron optik kəşfiyyat vasitələrinin,

teplovizor və videokameraların tapılması üçün nəzərdə tutulub. Bildirilib ki, yeni qurğu kiçik ölçülərinə görə asanlıqla maskalanır. O, həmçinin gecəgörmə üçün nəzərdə tutulub.