Emin Kemerevodakı faciə qurbanlarının ailələrinə 5 milyon ayırdı - VİDEO

Məşhur müğənni və azərbaycanlı iş adamı Araz Ağalarovun oğlu Emin Ağalarov Rusiyanın Kemerevo vilayətindəki əyləncə mərkəzindəki yanğında həlak olan 64 nəfərin ailəsinə maddi yardım edəcək.

GoldNews.az xəbər verir ki, bu barədə o, İnstaqram hesabında məlumat verib. Emin 5 şəhərdə verdiyi konsertdən əldə etdiyi 5 milyon rubl gəliri faciə qurbanlarının ailələrinə ayırdığını bildirib.

"Gəlirimi Müslüm Maqomayev adına Fonda göndərirəm. Bundan əlavə, atam Araz Ağalarov başda olmaqla dostlarımla birlikdə 15 milyon rubl toplamışıq və toplamağa davam edirik”.