Eks-prezidenti Mahmud Əhmədinejad İranda yenidən hakimiyyətə gələ biləcəkmi? - Əli Xamenei etiraza qalxdı

İranın keçmiş prezidenti Mahmud Əhmədinejad ölkədə keçiriləcək prezident seçkiləri üçün yenidən namizədliyini irəli sürüb.

GoldNews.Az xəbər verir ki, İranın ali dini lideri Əli Xamenei daha öncə Əhmədinejadın namizəd olmamasını məsləhət görüb. Ölkədə prezidentlik seçkiləri mayın 19-u keçiriləcək.

Xatırladaq ki, Mahmud Əhmədinejadın prezidentliyə namizəd olacağı iddiaları ötən ilin sentyabr ayında da gündəmə gəlib. Tehranda bir televiziyaya danışan Əli Xamenei sabiq prezidentə seçkilərə qatılmaq barədə məsləhət verdiyi barədə iddiaları belə dəyəndirib:

"Mən də o şəxsin və ölkənin mənafelərini göz önünə gətirərək seçkilərə qatılmamasını söylədim. Hətta "Qatılmayın!" demədim. "Qatılmağınızın yaxşı olmadığını düşünürəm" dedim".