Döyüş zamanı bir gözünü və ayağını itirən kəşfiyyatçımız: "Bir gözümdən yaş, birindən qan axırdı"

Döyüş tapşırığını icra edərkən yaralanan zabitimiz, baş-leytenant Kamil Musəvi Xəzər TV-də yayımlanan "5 də 5"verilişinin qonağı olub.

GoldNews.az xəbər verir ki, aparıcı Zaur Kamalın suallarını cavablandıran kəşfiyyatçı bundan sonra da Azərbaycanın ərazi bütövlüyü uğrunda döyüşməyə hər zaman hazır olduğunu bildirib. İki oğlu atası olan döyüşçü iki oğlu dünyaya gələn zaman xidməti vəzifəsini yerinə yetirdiyini söyləyib.

Sevincli xəbəri eşidən zaman isə onun bir gözündən sevinc göz yaşı digərindən isə qan gəlib.

Xatırladaq ki, 2015-ci ilin oktyabrında cəbhə bölgəsində xidməti vəzifəsini yerinə yetirərkən kəşfiyyatçı, baş leytenant Kamil Musəvi bir gözünü və bir ayağını itirmişdi.