Diplomata təcavüz edib öldürdülər

Hadisə ilə bağlı istintaq davam edir.

GoldNews.Az xəbər verir ki, Livanın Beyrutdakı səfirliyində çalışan ingilis diplomat Rebecca Dykes yolda ölü tapılıb. BBC-yə danışan polis Dykesin boğulduğunu söyləyib. 30 yaşlı diplomatın təcavüz olunaraq öldürüldüyü irəli sürülüb, ancaq bu haqda hələ dəqiq məlumat verilməyib.

Qadın 2017-ci ilin yanvar ayından etibarən səfirliyin Beynəlxalq İnkişaf Departamentində proqram və siyasət direktoru vəzifəsində çalışıb.

İngiltərənin Livandakı səfiri Hugo Shorter "Twitter"dən etdiyi açıqlamada: "Bütün səfirlik bu xəbərlə dərindən sarsıldı. Biz onun ailəsi, dostları və həmkarlarının yanındayıq". Xarici İşlər Nazirliyi istintaqda iştirak edən Livan səlahiyyətliləri ilə təmasda olduğunu açıqlayıb.