Cənubi Koreyadan Şimali koreyaya tarixi təklif - "Dünya çempionatını birlikdə təşkil edək"
Cənubi Koreyanın prezidenti Moon Jae-in 2030-cu il Dünya çempionatına Şimali Koreya ilə birlikdə ev sahibliyi etmək istədiyini bildirib.
GoldNews.Az xəbər verir ki, Beynəlxalq Futbol Federasiyası Birliyi (FİFA) prezidenti Gianni Infantino ilə bir araya gələn Moon 2030-cu ildə keçiriləcək Dünya çempionatını Şimali koreya ilə birlikdə təşkil etməyə hazır olduqlarını bildirib.
"Şimali və Cənubi Koreya daxil olmaqla şimal-şərq Asiyadakı qonşu ölkələr 2030-cu il Dünya çempionatına ev sahibliyi etməyi qəbul etsə, bu addım iki ölkə arasında sülhün əldə edilməsinə şərait yarada bilər"- deyən Moon Infantinonun bu mövzuya maraq göstərməsinin çox yaxşı olacağını əlavə edib.
Infantino da Cənubi Koreya lideri Moonun düşüncələrinə hörmətlə yanaşdığını ifadə edib.
