Çin Futbol Federasiyasında qəribə qərar - Futbolçular bu qərara məcbur edilirlər

Çin Futbol Federasiyası qəribə bir qərarla gündəmə gəlib.

GoldNews.Az xəbər verir ki, məşhur ispan qəzeti AS-ın yayımladığı xəbərə görə, federasiyadan verilən açıqlama ilə futbolçulara döymə etdirmələri qadağan edilib. Federasiyanın qəbul etdiyi qərar Çin Super Liqası və Çin milli komandasında yer alan çinli futbolçular üçün qüvvədədir.

Çinin U19 millisinin baş məşqçisi Jia Xiuquan ötən gün verdiyi açıqlamasında "Rəngli saçla və döymələri sevmirik. Bizim komandada oynamaq istəyən oyunçu döyməsini silib saç rəngini normala döndərməlidir" deyə bildirib.

Xatırladaq ki, Uels ilə bir araya gətirən hazırlıq matçında çinli futbolçuların döymələrini şəffaf rəngdə parçalarla örtmələri diqqət çəkib.