Bu ölkədə "Telegram" və "Instagram"-a giriş bağlandı

İran hakimiyyəti hökumət əleyhinə keçirilən aksiyalar fonunda “Instagram” sosial şəbəkəsi və “Telegram”-a girişi müvəqqəti bağlayıb.

Bu barədə İranın IRIB Dövlət Televiziyası məlumat yayıb.

İran hakimiyyəti bunun ölkədə qayda-qanuni təmin etməyə yardımçı olacağını bəyan edib.

“Telegram”-ın bağlandığını onun yaradıcısı Pavel Durov da təsdiqləyib. P. Durov deyib ki, İran hakimiyyəti messencer administrasiyasından aksiya iştirakçılarının informasiya mübadiləsi məqsədi ilə istifadə etdikləri bir neçə “Telegram” kanalının bağlanmasını istəyib. Ancaq bu istəyi qəbul edilməyən İran hakimiyyəti ümumiyyətlə, “Telegram”-a girişi bağlayıb. //APA