Bmt-dən təhlükəli iqlim proqnozu: yeni istilik rekordu yaxınlaşır
Qlobal istilik rekordu təhlükəsi artır
Birləşmiş Millətlər Təşkilatı və Dünya Meteorologiya Təşkilatı (DMÖ) yaxın illərdə qlobal temperaturun rekord səviyyədə qalacağı barədə xəbərdarlıq edib. Təşkilatın yeni qiymətləndirməsinə əsasən, 2026-2030-cu illər ərzində daha bir istilik rekordunun baş verməsi yüksək ehtimalla gözlənilir.
1,5 dərəcə həddinin aşılması realdır
DMÖ-ya görə, qarşıdakı beş ildə orta illik temperaturun sənaye öncəsi dövrlə müqayisədə 1,5 dərəcə yüksək olma ehtimalı 75 faiz səviyyəsindədir. Ən azı bir ilin isə bu həddi müvəqqəti olaraq aşması ehtimalı 91 faizə çatır.
El Niño hadisəsi yeni rekorda yol aça bilər
Təşkilatın hesabat müəllifi Leon Hermanson bildirib ki, 2026-cı ilin sonuna doğru yeni El Niño hadisəsinin formalaşması gözlənilir. Bu, 2027-ci ildə daha bir istilik rekordunun qeydə alınma ehtimalını artırır. Xatırladaq ki, 2023 və 2024-cü illər də güclü El Niño təsiri nəticəsində ən isti illər kimi tarixə düşüb.
El Niño hadisəsi Sakit okeanda səth sularının isinməsi ilə müşayiət olunur və dünya üzrə külək, yağıntı və təzyiq sistemlərinə ciddi təsir göstərir.
