Avtobusun yolunu kəsdi və sürücünün üzünə tüpürdü - Bakıda - VİDEO

Həm dayancaqda maşınını saxlayıb, həm də avtobusun sürücüsünü təhqir edib.

GoldNews.Az-ın məlumatına görə, hadisə 1 saylı marşrut xətti üzrə hərəkət edən "BakuBus"a məxsus 99-JX-256 dövlət qeydiyyat nişanlı avtobusun "Neftçilər" metrostansiyasının dayanacağına daxil olduğu zaman baş verib.

Görüntülərdə, 99- AL-789 dövlət qeydiyyat nişanlı avtomobilin sürücüsü avtobusun hərəkət zolağında parklama etdiyi əks olunub. Avtobus sürücüsü xəbərdarlıq etdikdə isə həmin şəxs avtomobildən düşərək sərnişinlərin gözü qarşısında bu hərəkətinə haqq qazandırır və sürücüyə hücum edir. Sonra isə ona hədə-qorxu gəlir.

Məsələ ilə bağlı "BakuBus" MMC-dən "Xəzər Xəbər"ə bildirildi ki, avtobusda olan onlarla sərnişinin gözü önündə sürücünü təhqir edən, ona hədə-qorxu gələn, üzünə tüpürən və beləliklə, yaşlı sürücünün şərəf və ləyaqətini alçaltmağa çalışan şəxslə bağlı hüquq-mühafizə orqanlarına müracit olunub. Hadisəyə huquqi quymətin verilməsi və avtobusun normal fəaliyyətinə maneə yaradan, sürücünü təhqir edən şəxsin qanunvericiliyə uyğun şəkildə məsuliyyətə cəlb olunması üçün lazım olan bütün tədbirlər həyata keçiriləcək.

Xezerxeber.az mövzu ilə bağlı daha ətraflı videomaterialı təqdim edir: