Bir zamanlar amansız təhqirlərə məruz qalırdı - İndi məşhur markalar arxasınca qaçır - Fotolar

Bir zamanlar hamının qınadığı o qadın indi məşhur markaların axtarılan simasına çevrilib.

GoldNews.Az xəbər verir ki, Lomikoe Johnson 12 il bundan əvvəl qolunun altında olan ağ ləkənin ilk dəfə fərqinə varıb və xərçəng xəstəsi olduğunu düşünüb. Lakin sonra bu ləkə Johnsonun gözlərində də öz əksini tapıb.

Qadında vitiligo (dəri və selikli qişalarda ağ rəngli oval və ya dairəvi formalı ləkələrlə müşahidə olunan bir dəri xəstəliyidir) xəstəliyi olduğu ortalığa çıxıb. Daha əvvəl qaradərili olduğu üçün qınaq obyektinə çevrilən Johnson sonradan bədənində yaranan ağ ləkələr ucbatından insanlar tərəfindən istismar olunacağından qorxub.

İnsanlar onun əlini belə sıxmaq istəməyiblər. Bütün bunlar ona pis təsir edib və Johnson intihar etməyi belə düşünüb. Bədənindəki ləkələri örtmək üçün o, hər gün saatlarla makiyaj edib. Gənc qadın küçəyə çıxanda isə ancaq qapalı geyimlərə üstünlük verib.

Nişanlısı Philippin və ailəsinin dəstəyi ilə xəstəliyini qəbul edən qadın hazırda modellik edir, özünəməxsus iş yeri var və ən əsası 4 uşaq anasıdır.

Keçmişdə yaşadıqlarını Johnson bu cür qiymətləndirir ki, artıq insanların nə düşündüyünün onun üçün mənası yoxdur və artıq o makiyaj etmir.

"İndi insanlara gözəlliyin sadəcə xarici görünüşdə yox, daxildə olduğunu göstərməklə məsuliyyətliyəm".

Bir gün bədənin bütünlüklə ağ ləklərlə örtüləcəyi ilə barışan Johnson deyir ki, mən incəsənətin canlı nümunəsiyəm.