Bir qrup qadına "Tomris" mükafatı verildi - FOTOLAR

Beynəlxalq Qadınlar Günü münasibətiylə " Qafqaz -media" İctimai Birliyi(İB) ölkənin sayılıb seçilən, cəmiyyətin müxtəlif sahələrində xidmətləri xanımlar üçün tədbir təşkil edib.

GoldNews.Az xəbər verir ki, bayram tədbirində Milli Məclisin xanım deputatları Qənirə Paşayeva, Jalə Əliyeva, fəal qadın qeyri-hökümət təşkilatlarının üzvləri, mədəniyyət, incəsənət xadimləri, jurnalist, yazarlar iştirak ediblər. Tədbirdə qonaqları salamlayan " Qafqaz -media" İB-nin rəhbəri Hacı Azadə Taleh Abbasqızı əsrlər boyu fədəkarlığı, mərdliyi ilə qürurlandığımız Azərbaycan qadınının üstünlüyündən danışıb.

O bildirib ki, bu gün qadınlarımız cəmiyyətin onurğa sütünüdur, həm ailədə, həm işdə, həm vətəndaş cəmiyyətində fəal olan xanımlarımızın sayı gündən-günə artır. Qadınların hüquqlarının müdafiəsində bir-birinə arxa duran qadın təşkilatlarını daim həmrəyliyə çağıran Hacı Azadə Taleh Abbasqızı butün xanımları Beynəlxalq Qadınlar Günü münasibətiylə təbrik edib. Qadınlarımıza xoş arzularını çatdıran təşkilat rəhbəri daha sonra yeni təsis etdikləri "Tomris" mükafatından danışıb.

O qeyd edib ki, Ədliyyə Nazirliyində rəsmi qeydiyyatdan keçən mükafat, başda ölkənin 1-ci vitse-prezidenti Mehriban xanım Əliyeva olmaqla, dövlətimizin ictimai, siyasi, mədəni həyatında rol olynayan xanımlara ünvanlanıb.

Tədbir mükafatların və hədiyyələrin verilməsi mərasimi ilə davam edib.

Bayram tədbiri musiqi qonaqların xoş ifaları, çıxışları ilə yadda qalıb.