Bayram günlərində marşrut avtobusları gecə 01:00-dək işləyəcək

Bakı Nəqliyyat Agentliyi (BNA) bayram günlərində sərnişin axınına uyğun olaraq marşrutlar üzrə xətlərə buraxılan avtobusların intervalına əməl olunması, təhlükəsizlik qaydalarına riayət edilməsi, həmçinin sürücülərin müvafiq sərnişindaşıma və yol hərəkəti qaydalarına əməl etmələri barədə lazımi tədbirlərin görülməsi, o cümlədən avtobusların istehsalat bazalarından reysə çıxmalarının təmin edilməsi ilə bağlı daşıyıcılara göstəriş verib.

Bu barədə GoldNews.az-a BNA-dan məlumat verilib.

“Bayram tədbirləri ilə əlaqədar müntəzəm marşrut xətləri üzrə avtobuslar 31 dekabr 2017-ci il, 1-2 yanvar 2018-cı il tarixlərində gecə saat 01:00-ə qədər xidmət göstərəcək”, - deyə məlumatda bildirilir.