Bakı haqqında çəkilən bu klip ermənilərlə azərbaycanlılar arasında qarşıdurma yaradır - VİDEO

Ən böyük video paylaşım platforması olan "YouTube"da 3 gün bundan öncə yeni klip yerləşdirilib.

GoldNews.Az xəbər verir ki, Bahh Tee və Alim Qasımovun duetinə çəkilən ekran işi Bakı haqqındadır. Klipdə Ədalət Şükürov, Murad Dadaşov, Bəhram Bağırzadə və başqa bir çox tanınmışlar çəkilib. Artıq 55 mindən artıq dinlənmə sayı olan klip izləyicilər tərəfindən birmənalı qarşılanmayıb.

Belə ki, klipdə balabanın olması şərhlərdə azərbaycanlılar və ermənilər arasında narazılıq yaranıb. Bəzi həmvətənlərimiz isə Alim Qasımovun "Azərbaycan dili" şeirini oxusa da mahnının rus dilində olmasına kəskin münasibət bildiriblər. İzləyicilərin bir qismi isə kompozisiyanı Eminin Bakı haqqında olan mahnısına bənzədib.

Sözügedən görüntüləri sizə təqdim edirik: