Azərbaycanda toyda dəhşətli qətl: SƏBƏB MƏLUM OLDU - TƏFƏRRÜAT
Dünən axşam saatlarında Qusar rayonunun Xurel kəndində törədilmiş dəhşətli qətl hadisəsinin şok səbəbi üzə çıxıb.
GoldNews.az xəbər verir ki, lent.az-ın əldə etdiyi məlumata görə, kənddəki toy məclisində 1982-ci il təvəllüdlü kənd sakini Ağabəyov Ramik Adil oğlunun həmkəndlisi Ulubəyov İlqar Aydəmir oğlunu 20 manata görə öldürdüyü üzə çıxıb.
Araşdırmalar zamanı məlum olub ki, Ramik Ağabəyovla İlqar Ulubəyov qohumdur və onlar dünən həmkəndlilərinin toy məclisində bir masa arxasında oturaraq yeyib-içiblər. Birgə spirtli içki qəbul edən qohumlar daha sonra mübahisə etməyə başlayıblar. Səbəb isə İlqarın Ramikə verdiyi 20 manatı istəməsi olub. R.Ağabəyov qohumunun ona verdiyi borc pulu istəməsinə əsəbiləşib və onunla dava edib. O, masanın üstündəki şüşə butulkanı dəmir dirəyə vuraraq sındırıb və qırılmış butulka ilə İlqarın üzərinə hücum edib. ətrafdakı şəxslərin müdaxiləsinə baxmayaraq, Ramik Ağabəyov butulka şüşəsi ilə İlqarın boğazını kəsib. Şah damarı kəsilən və çoxlu qan itirən İlqar Ulubəyov xəstəxanaya aparılsa da, yolda keçinib.
Faktla bağlı cinayət işi açılıb, araşdırma aparılır.
*****
Qusar rayonunda qətl hadisəsi baş verib.
APA-nın şimal bürosunun verdiyi məlumata görə, hadisə rayonun Xural kəndində baş verib.
Kənddə keçirilən toy məclisində aralarında yaranan mübahisə zəminində 1982-ci il təvəllüdlü kənd sakini Ağabəyov Ramik Adil oğlu həmkəndlisi Ulubəyov İlqar Aydəmir oğlunu sındırılmış şüşə butulka ilə vuraraq qətlə yetirib.
Faktla bağlı Qusar rayon Prokurorluğunda cinayət işi açılıb, araşdırmalar aparılır.
