Azərbaycanda gənc qız sevgilisinə görə özünü asdı

Abşeronda nişanlısına görə özünü körpüdən atan qızdan sonra Azərbaycanda daha bir gənc sevgilisi üçün intihara cəhd edib.

GoldNews.az xəbər verir ki, İstiPress-in Şimal bürosunun məlumatına görə, hadisə Şabran şəhərinin Rəşid Behbudov küçəsi-2 ünvanında yerləşən-Fərhad Ömər oğlu Əkbərova mıxsus evdə qeydə alınıb.

Həmin ünvanda ailəsilə kirayədə yaşayan, Qubanın Bərqov kəndinin sakini 24 yaşlı Səma Hamid qızı Məmmədova özünü evin 2-ci mərtəbəsində iplə asaraq intihar etmək istəyib.

Lakin ailə üzvləri qızın əməlindən vaxtında xəbər tutaraq onu xilas edə biliblər. 24 yaşlı Səma Məmmədova özünü sevgilisi, Aqşin adlı oğlanla mübahisə etdiyinə görə öldürmək istədiyini deyib.

Şabran rayon prokurorluğu intihara cəhd faktının araşdırılmasına başlayıb.