Azərbaycanda 42 manatlıq pomidor yumurta çığırtması müğənnini şoka saldı

Məşhur müğənni Murad Arif istirahət mərkəzindəki qiymətlərin bahalığından və xidmət səviyyəsinin zəifliyindən şikayətlənib.

GoldNews.az xəbər verir ki, Azərbayacanın istirahət zonasında pomidor və yumurtadan hazırlanan çığırtma istirahətə gələn müğənninin ailəsinə 42 manata satılıb. Bu barədə tanınmış aparıcı, müğənni və bəstəkar Murad Arif yazıbşəxsi İnstagram hesabında. Bahalı çığırtmanı ifaçı ailəsi Quba-Qəçreş yolunda sifariş edib. "Azərbaycan ən qeyri mümkün törənləri, "Oscar", "Grammy", lap ABŞ prezidentinin inaqurassiyasını da keçirsə, bu servislə ölkəmizdə heç bir turizm proqresi olmayacaq... Son 2 həftədə 3-4 bölgəni qarış-qarış gəzirəm... Adamlar (sahibkarlar) rəsmən rəqabət aparmır... Müştərini qazanmaq həvəsi sıfır. O həvəs haradan yarana bilər ki?! Rayondan bir "böyük" adam ərazini zolaq-zolaq zəbt edir... Obyektlərə də qohum-əqrəbasını müdir qoyur... Məkanlar nə səviyyədə işləyir işləsin, əsas odur ki, ərazi onundur...

Antisanitariya, bahalıq, zəif və ləng xidmət, nəticəyə uyğun olmayan qiymətlər və s. Baxıram ki, təbiətimizi Allah təala gözəl qələmiylə çəkib... Nə olsun? Qarabağ kimi qədrini bilməməkdəyik..."