Azərbaycan İslamiadada ilk medalı təmin etdi

"Bakı 2017" IV İslam Həmrəyliyi Oyunlarında həndbol üzrə yarımfinal mərhələsinə start verilib.

GoldNews.Az-ın məlumatına görə, günün ilk oyununda Azərbaycan və Özbəkistanın qadınlardan ibarət yığmaları qarşılaşıb. "Sərhədçi" İdman Olimpiya Mərkəzindəki görüşdə Georgi Voronovun baş məşqçisi olduğu komanda ilk yarını 24:13 hesabı ilə öndə tamamlayıb.

Fasilədən sonra da hücumlarını davam etdirən Azərbaycan həndbolçuları matçın sonunda daha böyük fərqlə - 42:25 hesabı ilə qalib gəliblər.

Bu qələbə sayəsində Azərbaycan millisi finala yüksəlib və ən azı gümüş medalı təmin edib.

Qeyd edək ki, final qarşılaşmasında rəqib bu gün saat 13:30-da başlanacaq Türkiyə-Kamerun matçının qalibi olacaq .

Final görüşü mayın 14-də saat 18:00-da başlanacaq.