Azərbaycanlı məşhura ağır itki - Anası dünyasını dəyişdi - FOTO

Azərbaycanın Türkiyədə yaşayan tanınmış, virtüoz balaban ifaçısı Əlixan Səmədova ağır itki üz verib. GoldNews.Az xəbər verir ki, sənətkarın anası gecə saatlarında dünyasını dəyişib. Bu barədə Əlixan Səmədov özünün özünün sosial şəbəkə hesabında yazıb:

"Az öncə anamı itirdim, məkanı cənnət olsun!".

Qeyd edək ki, Əlixan Səmədov 27 aprel 1964-cü ildə Sumqayıtda musiqiçi ailəsində anadan olub. Səməd Vurğun adına Musiqi Məktəbində obua və Nəriman Nərimanov adına Mədəniyyət Evində qarmon təhsili alıb (1979 -1982). Azərbaycan Dövlət Pedaqoji Universitetində təhsil alıb (1986-1990). Nəfəsli alətləri (balaban, klarnet, qaboy, tütək, zurna, saksafon) və xalq çalğı alətlərini (nağara, qoşanağara, dəf, qarmon) böyük bir ustalıqla ifa edir. 1993-cü ildə musiqi sənətini daha da inkişaf etdirmək məqsədi ilə Türkiyəyə köçən Səmədov balabanı ilə qısa müddətdə böyük dinləyici kütləsi qazanıb. "Balaban metodu" kitabının müəllifi Əlixan Səmədov müxtəlif mükafatlara layiq görülüb.