Azərbaycanlı aparıcı Avstriyada universitetə qəbul oldu

Azərbaycanlı aparıcı Umnisə (Umka) Hacıyeva Vyanaya köçüb.

Publika.az xəbər verir ki, aparıcı Avstriya Dövlət Universitetinə qəbul olub. U.Hacıyeva orada jurnalistika ixtisası təhsil alacaq. Əldə etdiyimiz məlumata görə, o, təhsilini bitirdikdən sonra yenidən Bakıya qayıdacaq.

Xatırladaq ki, 2013-cü ilin yayında aktrisa və aparıcı Umka (Umnisə) Hacıyeva Azərbaycanın bir çox xəbər kanallarında, eləcə də sosial şəbəkələrinin əsas qəhrəmanına çevrilmişdi. Buna səbəb aparıcının çimərlik geymində olan şəkilərinin bir sıra KİV-də yayılması olub. ANS telekanalının rəhbərliyi bu şəkillərin Azərbaycan mentalitetinə uyğun olmadığı üçün U.Hacıyevanı öz istəyilə işdən azad etmişdi.

Bu hadisədən sonra ekranlardan uzaq düşən aparıcı 2017-ci ildə “Sənətsevər plus”, “İdman hamı üçün” verilişləri ilə efirə qayıtmışdı. Lakin bir müddət sonra o, televiziya ilə yollarını yenidən ayırmaq qərarına gəlib.