Ata axtardığı iki qızını Adnan Oktarın "kediciyi" olaraq proqramda gördü - Ölkədə böyük qalmaqal!

Avstriyanın paytaxtı Vyanada yaşayan 44 yaşlı Elvan Koçak adlı şəxs uzun zamandır ki, axtardığı 2 qızını televiziyada Adnan Oktarın proqramında görüb.

GoldNews.Az xəbər verir ki, 7 il öncə ayrıldığı xanımı Gülpəri T.-nin uşaqları Ş.K. (19) və B.K. (17) ilə birlikdə Türkiyəyə getdiyini deyən ata uşaqlarından uzun müddət xəbər ala bilməyib və onların axtarışına çıxıb. Qohumları Koçaka övladlarının yerini xəbər veriblər: "Sənin qızların Adnan Oktarın yanında şou aparırlar". Mənəvi zərbə alan ata bunları deyib: "Uşaqlarımdan B. və əkizi M. hələ 17 yaşında idilər. Yetkinlik yaşına çatmayan qızları televiziyaya çıxararaq şou aparan Adnan Oktar və digər məsul şəxsləri məhkəməyə verəcəyəm. Qızlarım Vyanada yaxşı təhsil alırdılar. B. məktəb birincisi olan uşaqdır. Təhsillərini yarımçıq qoyub Adnan Oktar tərəfindən yeri bəlli olmayan bir oteldə saxlanıldıqlarını eşitdim. Uşaqlarımdan sadəcə Ş. mesajlarıma cavab verir. O mesajları da qızımın yazdığın inanmıram. Çünki Ş.-nin türk dili və yazı tərzinə uymur". Qızlarını telviziya şousunda görən ata təcili Türkiyəyə gələrək Adnan Oktardan şikayətçi olub. O məhkəməyə gedərək qızların anasından da şikayətçi olub.