Arvadını bıçaqladı, daha sonra səhərə kimi ölümünü izlədi

Adanada həyat yoldaşı ilə dalaşan Davud S. (43) onu 8 yerindən bıçaqlayıb.

GoldNews.Az xəbər verir ki, Saadet S.-nı (40) öldürən əri səhərə qədər evdən ayrılmayıb. Səhər saatarında isə təcili tibbi yardıma zəng edərək xanımının intihar etdiyini deyib. Hadisə yerinə gələn həkimlər 2 uşaq anasının öldürüldüyünü gördükdən sonra polisə xəbər veriblər. Polis tərəfindən nəzarətə götürülən Davudun ifadəsi isə qan dondurub:

"Axşam qohumlarımızın evinə qonaq getdik. Evə döndükdən sonra maddi məsələlərə görə dalaşdıq. Bu zaman məni təhqir etdiyi üçün əsəbləşdim və özümü itirdim. Bıçaqladıqdan sonra baş ucunda oturub ölməsini gözlədim. Bıçaqladıqdan sonra həkimləri çağırsaydım, yaşaya bilərdi. Çox peşmanam".