"Apple" iddiaları qəbul etdi- Köhnə "İPhone"lar bilərək ləng işləyir

"Apple" "İPhone" istifadəçilərinin telefonların yeni təzələmələr ilə zəiflədiyi şikayətləri üzərinə bəyanat verərək iddiaları qəbul edib.

GoldNews.Az xəbər verir ki, bir çox istifadəçi tərəfindən zaman-zaman dilə gətirilən şikayət son olaraq "Reddit" saytında gündəmə gətirilmiş, istifadəçi "İPhone 6S" telefonunun batareyasını dəyişdirdikdən sonra telefonunun yenidən sürətləndiyini iddia edib.

"Apple" mübahisə ilə əlaqədar verdiyi bəyanatda bu vəziyyəti qəbul edib, ancaq bunun məqsədinin "telefonların daha uzun müddət istifadə edilməsini təmin etmək" olduğunu müdafiə edib.

Açıqlamaya görə, ləngimənin səbəbi köhnələn batareyalarla telefon çıxışını tarazlaşdırmaq üçün əlavə olunan xüsusiyyətdir.